今天的第1篇日記.. 是我一早已經打好的.. 到4號就自動post出來的.. 現在.. 打今天的第2篇.. 第1次1日打2篇..
我晚上8點多已經離開了公司..
本來諗住去打拳.. 點知同事又話去釣魚.. 諗住一齊去釣魚既時候.. 又唔想去.. 費事諗返唔想諗既野..
坐住架公司車.. 遊車河.. 遊左個幾2個鐘..
經過彩虹, 鑽石山, 黃大仙, 葵興, 葵芳, 荃灣, 旺角, 太子, 奧海城, 尖沙咀, 尖東..
發現原來我回憶入面.. 同妳去過咁多既地方.. 哈..
妳過日本之前幾日.. 我已經話過.. 當妳變心的一天.. 妳只會說對不起.. 我不是說過了嗎..
所以妳不用說對不起了.. 我已經預料到的.. 只是遲早的問題..
遊完車河.. 差唔多10點了.. 去了尖東的.. 樓上吧.. Black Label soda..
肥妹佢地呆左.. soda..? 哈.. 好耐冇飲過soda.. 對上一次..
係灣仔.. 我醉到不醒人士的那次.. 幸好有妳和2個friend送我返大埔.. 不然.. 真的.. 哈..
自己一路諗野一路飲.. 冇左半jar.. 子健.. 傻輝佢地問我做咩.. 我話冇野..
之後子健話同我玩骰盅.. 我話是但.. 又玩Lucky..
當然.. 一向Lucky既我.. 都係贏多輸少喇.. 玩左一陣.. 佢頂唔順.. 自己開返藍妹飲..
玩多陣.. 佢轉玩大話骰.. 呵呵.. 知死未..
之後有鏢機空左出黎.. 問我掉唔掉.. 我話是但.. 就去左掉了..
出奇的.. 我鏢都冇練.. 掉得出奇地好.. 十幾round就ko左子健.. 贏幾百分..
玩到咁上下.. 唔想玩了.. 坐o係度點歌聽.. 妹姐過左黎話同我飲杯..
飲完.. 點幾2點.. 好累.. but又好精神.. 唉.. 閃人.. 飛的返公司..
返到公司.. 同人傾左陣計.. 諗住訓教.. 閉上眼後.. 只得冷氣機既聲.. 好靜..
不過訓唔著.. 諗左好多好多既野.. 5點幾.. 都係訓唔著.. 開返個mon..
冇野做.. 機都冇打.. 乜都冇做.. 咁都可以呆到7點鐘.. 電話到了.. 我在公司.. 回來吧..
望住窗外面.. 見倒人越來越多.. 8點鐘.. 9點鐘.. 10點鐘.. 哈.. 那麼辛苦為了什麼嘛..
人類都會想堅信自己的勝利與存在, 而言在時光與命運面前,『堅信』這類行為, 過於徒勞… 過於虛幻…
這句.. 也許真的是對的.. 堅信.. 只是徒勞.. 虛幻..
P.S. 係樓上吧.. 有幾次差d忍唔住喊左出黎.. 搞到即刻沖去洗手間..
ˉˉ今日冇點食過野.. 冇謂口.. 不過食左3包煙.. 當飯食.. 87蚊架.. 我1年都不知交幾多稅.. 哈..